Тандалтаар халдвар илэрсэн Нийслэлийн зарим дүүргийн зарим байршлуудад хөл хорио үргэлжлэхээр болсныг Нийслэлийн онцгой комиссоос мэдээллээ.

Тодруулбал, Хан-Уул дүүргийн 4, 12-р хороо болон Чингэлтэй дүүргийн 19-р хорооны зарим байр, гудамжинд хэсэгчилсэн хөл хорио тогтоогоод байна.

“Нэг хаалга-Нэг шинжилгээ”-ний хүрээнд зарим дүүрэг, хорооноос халдвар илэрсэн учраас маргааш зарим газарт хэсэгчлэн хөл хорио тогтоохоор болсон байна. Үүнд

• ХУД, 4-р хороо, Гарден сити 1301 байр 1-р орц
• ХУД, 4-р хороо, Хангарьд сити Б-блок
• ХУД, 12-р хороо, Сонгино 25-р гудамж 108-114. 1-3. 230-249
• ХУД 12-р хороо, 52-р байр 4-р орц
• ХУД, 12-р хороо, 62-р байр
• ХУД, 12-р хороо, Сонгино 26-р гудамж 249-256
• ХУД, 12-р хороо, Сонгино 29-р гудамж 374. 379. 381-385. 394-401
• ЧД, 19-р хороо, Дээд салхит  1-36-р гудамжинд тус тус хөл хорио тогтоохоор болсон бөгөөд ХӨСҮТ-өөс чиглэл ирэхээр буюу шинжилгээний хариу эцэслэхээр хөл хориог буулгах юм байна.

Хоёрдугаар сарын 11-нээс эхэлсэн “Нэг хаалга-Нэг шинжилгээ”-нд 12 хоногийн хугацаанд нийслэлийн 9 дүүргийн 442,303 өрхийг хамруулаад байна.