“Бид уучлахгүй” хөдөлгөөний тэргүүн Б.Мөнхцэлмэг ХЗДХЯ 626 сая төгрөгөөр эд хогшил худалдан авалт хийсэн баримтуудыг шилэн данснаас нягтлан гаргасан тухай бид өмнө нь мэдээлж байсан.

Харин өчигдөр Б.Мөнхцэлмэг 10 гаруй жил ашиглалтад ороогүй 4-р төрөх эмнэлэгт очжээ. Тэрээр энэ тухайгаа “Дарга нарын өрөө 70 гаруй сая төгрөгөөр хөшиг авч, маш хурдан ашиглалтад орж байхад төрөх эмнэлэг нь ашиглалтад орохгүй арваад жил боллоо. Дарга нарын үүдний өрөө нь хүртэл тансаг, сайхан байдаг. Эх, хүүхдийн эмнэлэг нь ийм байдалд байдаг. Иргэд бид бодох цаг иржээ. Өнөөдөр Монголд анги давхаргын ялгаа маш их байна” хэмээжээ.

ХЗДХЯ-ны худалдан авалтын гэрээнүүдэд тусгасан үнийн дүнгүүд:

• Хивс, дрож 36,303,600
• Хөшиг 63,748,750
• Заал, гэрээ хэлцлийн танхимын хөшиг 7,760,000
• Тавдугаар давхрын албан тасалгаанд байрлах тавилга 34,460,000
• Хоёрдугаар давхарт байрлах хурлын танхимын дотор засал, тавилга 54,197,935
• Нэгдүгээр давхрын үүдний танхимын дотор засал 61,024,554
• Хоёрдугаар давхарт байрлах гэрээ хэлцлийн танхимын дотор засал 63,767,556
• Дөрөвдүгээр давхарт байрлах Төрийн нарийн бичгийн даргын өрөөний дотор засал, уулзалтын танхимын тавилга 51,665,462
• Хурлын заалны чанга яригч төхөөрөмж, техник хэрэгсэл 20,675,600
• Хурлын заалны чанга яригч төхөөрөмж, техник хэрэгсэл 25,822,700