Багш нарын цалинг нэмэгдүүлэх түр хорооныхон багш ажилчид ажил хаялт зарлах болсон талаар хэвлэлийн бага хурал зарлалаа.

Тэд өнөөдөр 12.00 цагт Live conference center төвд мэдээлэл хийв.

Уг хурлаар Засгийн газар багш нарын шаардлагад хариу ирүүлээгүй тул тэмцлийн дараагийн хэлбэрт шилжсэн талаараа мэдэгдлээ.

Тодруулбал, сургуулийн өмнөх боловсрол буюу цэцэрлэг, ерөнхий боловсролын сургуулийн багш нар, МСҮТ-ийн багш, ажилчид энэ сарын 21, 26-нд ажил орон даяар ажил хаяхаар болсон байна.

Харин энэ хугацаанд Засгийн газраас шаардлагад хариу ирүүлбэл жагсаал цуглаан хийхгүй хэмээн мэдэгдэв.