Парис 2024 зуны олимпын жүдо бөхийн төрөл зургаа дахь өдрөө үргэлжилж байна. Өнөөдөр эрэгтэй -100 кг жинд Монголын шигшээ багийн тамирчин, их дуулгын 1 алт, 1 мөнгө, 2 хүрэл медальтай 2022 оны Азийн наадмын мөнгөн медальт 24 настай Батхуягийн Гончигсүрэн зодоглов.

Тэрээр эхний шатанд Мастерсын 1 мөнгө, 2 хүрэл медальт, их дуулгын 2 алт, 2 мөнгө, 7 хүрэл медальтай, Европын аварга Израилын 32 настай Петер Пальчиктай барилдав.

Эхний торгууль Б.Гончигсүрэнд ирсэн бөгөөд цагийн дунд үүрүүлж цэвэр ялагдсанаар тэмцээнээ дуусгалаа.