“Олон нийтийн сүлжээнд хүний эрхийг хамгаалах хуулийн талаар нээлттэй хэлэлцүүлэг яг одоо өрнөж байна. Хэлэлцүүлэгт оролцож буй сэтгүүлч, Сэтгүүл зүйн Инновац, Хөгжлийн Үүр төвийн үүсгэн байгуулагч Э.Нарантунгалагийн байр суурийг хүргэж байна.

Тэрээр "2019 оноос хойш биш "Мета" компанитай хамтран ногоон сувгийг ашиглаж байна. ЦЕГ, ХХЗХ-той мөн хамтран ажилладаг. Гэмт хэргийн шинжтэй постуудыг ЦЕГ шалгадаг бол ХХЗХ тус компанийн Зүүн Өмнөд Азийн орнуудыг хариуцсан оффис руу мэйл илгээн, гэмт хэргийн шинжтэй, хүүхдийг садар самуунд уруу татсан гэх мэт тус компанийн стандартад нийцээгүй агуулгыг устгуулах хүсэлтээ илгээдэг. Ингээд долоо хоногийн дотор тэрхүү агуулгыг устгадаг. Цахим орчинд өөрийн зохицуулалт хэдийн бий болчихсон тул шинэ хууль батлах шаардлагагүй.

Манай улс төрчид энэ сувгийг ашиглах ихээхэн сонирхолтой байдаг. Та бүхэн интернетээс иргэн Ч.Маралмаагийн хүүхэд дайрсан бичлэгийг хайгаад үзээрэй" гэв. 

Хэлэлцүүлгийг сэтгүүл зүйн хөгжлийн “Үүр” төв зохион байгуулсан юм.   

Энэ хууль ирэх сарын 1-нээс буюу яг долоо хоногийн дараа хэрэгжиж эхэлнэ. Гэвч энэ хуулийг Хууль тогтоомжийн тухай хуулийг зөрчин, ердөө 72 цагийн дотор баталсан юм.

Дараах үндэслэлээр “Олон нийтийн сүлжээнд хүний эрхийг хамгаалах тухай” хуулийг эсэргүүцсээр байна:

• Энэ хуулийн зорилго нь цахим орчинд хүүхдийн эрхийг хамгаалах хэмээн хуулийн төслийг өргөн барьсан Н.Учрал сайд танилцуулсан. Манай улсад Хүүхэд хамгааллын хууль, Гэмт хэргээс урьдчилан сэргийлэх тухай хууль бий. Гэтэл дахин хууль баталж, хуулийн давхардал үүсгэв.        
• Хууль тогтоомжийн тухай хуулийг зөрчин, энэ хуулийг яаралтай горимоор баталсан. Тэгвэл Хууль тогтоомжийн тухай хууль байх шаардлагатай юм уу? Олон нийтийн, мэргэжлийн бүлгүүдийн дунд хэлэлцүүлэг огт явуулаагүй.
• Хуулийн төслийг зургаан жил боловсруулсан гэж Н.Учрал сайд ярьсан. Цахим хөгжил, харилцаа холбооны яамыг өнгөрсөн онд байгуулсан.
• Интернет орчныг хязгаарлах, хатуу хяналт тавих зорилгоор энэ хуулийг баталлаа.