Ерөнхийлөгчийн санаачилсан Баялгийн сан буюу ирээдүйн өв сангийн тухай хуулийн төслийн хэлэлцүүлэг өнөөдөр Иргэний танхимд боллоо.
Долоон бүлэг 37 зүйлтэй уг хуулийн төслийн үндсэн зарчим нь байгалийн баялгаас олж буй орлогыг одоо хэрэглээд дуусах биш сан үүсгэн хуримтлуулж, санхүүгийн эх үүсвэр болгон хойч үедээ тэгш хүртээхэд оршиж байна.
Уул уурхайн нөхөгдөшгүй баялгийг ирээдүйд үүсэж болох санхүүгийн дарамтаас сэргийлэх, хөгжлийн хөрөнгө оруулалт хийх Норвеги, Чили улсуудын туршлагыг хуулийн төсөл боловсруулагчид судалжээ. Норвеги, Чили, Хятад, Сингапур, Казахстан, БНСУ зэрэг дэлхийн 70 гаруй улс Баялгийн сантай бөгөөд 50 орчим улс нь тусгай хуультай юм байна.
Баялгийн санг байгалийн баялаг, Төсвийн ашиг, гадаад валютын нөөц, Засгийн газрын нөөц хөрөнгөнөөс бүрдүүлнэ. Гэхдээ татвар нэмэх болон өнөөгийн санхүүгийн эх үүсвэрээс мөнгө тасалж авахгүй. Энэ хууль батлагдан хэрэгжих хүртэл 2018 он болох бөгөөд тэр үеэс хөрөнгийн эх үүсвэр санд хуримтлагдана. Уул уурхайн шавхагдах нөөцийг сан үүсгэн хуримтлуулж, хөгжлийн хөрөнгө оруулалтад зарцуулснаар ирээдүйд өгөөжөө өгсөөр байх сан юм гэж хуулийн төсөл боловсруулах Ажлын хэсгийн гишүүн, судлаач С.Боргил ярилаа.
Манайд тэтгэврийн, тодорхой зориулалт бүхий нөөц сангууд бий. Баялгийн сангийн хөрөнгийг гэнэтийн үед хэрэглэхгүй. Сангийн хөрөнгийг хуримтлуулж, тодорхой өгөөжтэй болсон хойно олон улсад хүлээн зөвшөөрөгдсөн санхүүгийн бүтээгдэхүүнийг худалдан авах, арилжаалах замаар сангийн хөрөнгийг баяжуулах зэргээр бие даасан менежмент хэрэгжүүлэн ажиллах юм байна. Энэ хуулийн төслийг Засгийн газарт оруулсан бөгөөд Засгийн газар дэмжиж өөрийн саналаа өгчээ.
Өнөөдөр 19.00 цагт Blue sky-гийн гуравдугаар давхарт энэ хуулийн төсөлд оруулах иргэд, судлаачдын саналыг сонсох нийтэд хандсан хэлэлцүүлэг болно.
Ерөнхийлөгчийн санаачилсан Баялгийн сан буюу ирээдүйн өв сангийн тухай хуулийн төслийн хэлэлцүүлэг өнөөдөр Иргэний танхимд боллоо.
Долоон бүлэг 37 зүйлтэй уг хуулийн төслийн үндсэн зарчим нь байгалийн баялгаас олж буй орлогыг одоо хэрэглээд дуусах биш сан үүсгэн хуримтлуулж, санхүүгийн эх үүсвэр болгон хойч үедээ тэгш хүртээхэд оршиж байна.
Уул уурхайн нөхөгдөшгүй баялгийг ирээдүйд үүсэж болох санхүүгийн дарамтаас сэргийлэх, хөгжлийн хөрөнгө оруулалт хийх Норвеги, Чили улсуудын туршлагыг хуулийн төсөл боловсруулагчид судалжээ. Норвеги, Чили, Хятад, Сингапур, Казахстан, БНСУ зэрэг дэлхийн 70 гаруй улс Баялгийн сантай бөгөөд 50 орчим улс нь тусгай хуультай юм байна.
Баялгийн санг байгалийн баялаг, Төсвийн ашиг, гадаад валютын нөөц, Засгийн газрын нөөц хөрөнгөнөөс бүрдүүлнэ. Гэхдээ татвар нэмэх болон өнөөгийн санхүүгийн эх үүсвэрээс мөнгө тасалж авахгүй. Энэ хууль батлагдан хэрэгжих хүртэл 2018 он болох бөгөөд тэр үеэс хөрөнгийн эх үүсвэр санд хуримтлагдана. Уул уурхайн шавхагдах нөөцийг сан үүсгэн хуримтлуулж, хөгжлийн хөрөнгө оруулалтад зарцуулснаар ирээдүйд өгөөжөө өгсөөр байх сан юм гэж хуулийн төсөл боловсруулах Ажлын хэсгийн гишүүн, судлаач С.Боргил ярилаа.
Манайд тэтгэврийн, тодорхой зориулалт бүхий нөөц сангууд бий. Баялгийн сангийн хөрөнгийг гэнэтийн үед хэрэглэхгүй. Сангийн хөрөнгийг хуримтлуулж, тодорхой өгөөжтэй болсон хойно олон улсад хүлээн зөвшөөрөгдсөн санхүүгийн бүтээгдэхүүнийг худалдан авах, арилжаалах замаар сангийн хөрөнгийг баяжуулах зэргээр бие даасан менежмент хэрэгжүүлэн ажиллах юм байна. Энэ хуулийн төслийг Засгийн газарт оруулсан бөгөөд Засгийн газар дэмжиж өөрийн саналаа өгчээ.
Өнөөдөр 19.00 цагт Blue sky-гийн гуравдугаар давхарт энэ хуулийн төсөлд оруулах иргэд, судлаачдын саналыг сонсох нийтэд хандсан хэлэлцүүлэг болно.