Манай уран бүтээлчид Венецийн дүрслэх урлагийн Биенналь наадамд анх удаа амжилттай оролцоод ирсэн юм.

Эх орноо төлөөлөн наадамд оролцсон уран бүтээлч Т.Энхболд, Ж.Мөнхцэцэг, С.Ганзүг, куратор Ц.Уранчимэг нар өнөөдөр нээлттэй ярилцлага зохион байгуулна. АНУ-ын соёл мэдээллийн төвд 11.00 цагт болох ярилцлагад хүссэн хүн бүр оролцох боломжтой.

Монголын орчин үеийн урлагийг дэмжих холбооноос санаачлан, НЗДТГ-ын дэмжлэгтэйгээр манай уран бүтээлчид Венецийн Биеннальд оролцсон. Үүний тулд нийт 200 мянган ам.долларын хөрөнгө босгожээ. Энэ нь манай урлагийн түүхэд соёл урлагийн төслийг санхүүжүүлэхэд босгосон хамгийн өндөр хэмжээтэй хандивын аян болж чаджээ.