Ираны төв хэсэгт орших амьтны хүрээлэнгийн арслан манаачийн аминд хүрсэн талаар тус улсын төрийн хэвлэлээс мэдээлжээ.

Манаачийг хөнөөсөн арслан амьтны хүрээлэнгээс оргосон өөр нэг арслантай нийлж, хэдэн цагийн турш хэсүүчилсэн байна. Цагдаа, гал сөнөөгчид болон орон нутгийн засаг захиргааны ажилтнууд тусгай ажиллагаа явуулсны үр дүнд хоёр арсланг барьж авсан талаар Арак хотын дарга мэдэгджээ.

Хүний амь эрстсэн хэргийн талаар “Арсланд тэжээл өгөх гэж торыг нь онгойлгосон ажилтан халдлагад өртөж, амьсгал нь боогдсоны улмаас амиа алдсан” хэмээн хотын дарга Алиреза Карими яриандаа дурдсан байна.

Эх сурвалж: BBC