Шинэ цэвэрлэх байгууламжийн бүтээн байгуулалт СХД-ийн 20-р хороонд 17,6 га газрыг хамарч байна. Барилгын ажлын явцтай салбарын сайд Б.Мөнхбаатар тэргүүтэй мэргэжилтнүүд өнөөдөр танилцлаа.

Шинэ цэвэрлэх байгууламжийн төслийн төсөв 262,7 сая ам.доллар ч инфляцын түвшин, барилгын материалын өсөлттэй холбоотойгоор барилгын өртөг 35 хувиар өсжээ.

Барилга хот байгуулалтын сайд Б.Мөнхбаатар "Өмнө нь лагийг хатаагаад орхидог байсан бол одоо хүн амын өсөлттэй холбоотойгоор лагийг төгс цэвэрлэж дуусгах технологи хэрэгтэй болсон.  Мөн өлөн гэдэс, ноос ноолуурын үйлдвэрүүдийг дэргэдээ бие даасан жижиг цэвэрлэх байгууламжтай байхыг шаардаж байна. Зарим нь төсөв мөнгөний бололцоогүй гэх шалтгааныг хэлж байгаа ч стандартад нийцсэн ус ирж байж цаашид бүрэн цэвэрлэгээ хийгдэх учир энэхүү шаардлагыг дагахаас өөр зам байхгүй" гэлээ.

Ерөнхий инженер "Шинэ цэвэрлэх байгууламжийн барилгын ажил 40 хувьтай байна. Монгол талаас зургаан компанийн 450 ажилтан ажиллаж байгаа бол  450 хятад хүн ажиллах ёстой ч цар тахлаас шалтгаалан 67 нь байна.

Шинэ байгууламж нь 250 мянган м/куб цэвэрлэх хүчин чадалтай бөгөөд ашиглалтад ороход хуучин цэвэрлэх байгууламжтайгаа хослуулан ажиллуулснаар 420 мянган м/куб усыг цэвэрлэх боломжтой болох юм.

Цаашид нарийн тоног төхөөрөмжийн угсралтыг гаднын мэргэжлийн байгууллагууд тэр дундаа герман, франц мэргэжилтнүүд ирж хийх ёстой ч цар тахал ямар байхыг хэлж мэдэхгүй байна. Шинэ цэвэрлэх байгууламж 2024 он гэхэд дуусгаж улсад бүрэн хүлээлгэж өгөх юм.

Цар тахлын үед мэдээж ялгаагүй л саад бэрхшээл байна. Барилгын материалын олдоц муу, олдсон ч 60-70 хувиар үнэ өссөн байна. Харин урьдчилж өгсөн захиалгатай учир арматур төмрийн нийлүүлэлт саадгүй байна. Мөн бид өөрсдөө дотооддоо бетон цехтэй учир цагт 240 м/куб бетон зуурдаг. Төв цэвэрлэх байгууламжийн энэхүү төслийн төсөв 262,7 сая ам.доллар ч инфляцын түвшин, барилгын материалын өсөлттэй холбоотойгоор барилгын өртөг 35 хувиар өсжээ" гэв.

Хуучин байгууламж нь 160-170 мянган м/куб усыг хүлээн авч буцаагаад цэвэршүүлэн байгальд нийлүүлэх хүчин чадалтай. Энэ нь 500 мянган хүн амд зориулсан хүчин чадалтай байсан бол өнөөдөр 1,2 сая хүнтэй Улаанбаатарт хүчин чадал нь мөхөстөж байна гэсэн үг.

Шинэ байгууламж нь 250 мянган м/куб цэвэрлэх хүчин чадалтай бөгөөд ашиглалтад ороход хуучин цэвэрлэх байгууламжтайгаа хослуулан ажиллуулснаар 420 мянган м/куб усыг цэвэрлэх боломжтой болох юм.