Улсын хэмжээнд 10 мянга гаруй хүнд шинжилгээ хийхэд 1811 хүн халдвар авсан нь батлагдлаа. Үүнээс 1806 нь дотоодын халдвар, 5 нь эрүүл мэндийн ажилтан албан үүргээ гүйцэтгэж байхдаа халдвар авсан байна.

Сүүлийн 24 цагт 834 хүн эдгэрснээс 260 нь гэртээ эмчлэгдэж эрүүл болжээ. Улсын хэмжээнд 14189 хүн  эмнэлэгт хэвтэж эмчлүүлж байгаагаас 264 нь хүн маш хүнд байна. Сүүлийн 24 цагт 38-83 насны 15 хүн нас барж, нас барсан хүний тоо 533 боллоо. 

Амьсгалын замын архаг дутмагшил, эмнэлгийн бус орчинд уушгинд үүссэн хоёр талын хатгалгаа, артерийн даралт өндөр, зүрх судасны архаг дутагдал, элэг бөөрний хавдар гэх мэт үндсэн суурь өвчин хавсарсан хэлбэрээр хүндэрч нас барсан хэмээн ЭМЯ-наас мэдээлэв.