Аймгуудад орсон их хэмжээний цаснаас шалтгаалж шар усны үер үүсэж болзошгүй нөхцөл бүрдээд байгаа. Тэгвэл аймгууд энэ эрсдэлээс сэргийлэн ажиллаж эхэлжээ. Тухайлбал,

Увс аймгийн Улаангом сумын нэгдүгээр багийн “Чандмань” гэдэг газарт Засаг даргын захирамжийн дагуу Онцгой байдлын газраас аймгийн гамшгаас хамгаалах албад, мэргэжлийн анги, аж ахуй нэгж, байгууллагууд, иргэдийг мөс зайлуулах, суваг татах, усны гольдролыг өөрчлөх ажилд дайчилсан байна.

Энэ үеэр нийт 53 байгууллагын 816 хүн хамрагдаж, 1.5 метр өргөнтэй, 1.5 метр гүнтэй 2100 метр урт хонгил ухаж шар усны үерээс урьдчилан сэргийлсэн аж.