Хан-Уул дүүргийн XIII хорооны V хэсэгт байрлах “Бага-асгат” ХХК-ийн борцны үйлдвэрт хяналт шалгалт хийж, улсын байцаагчийн актаар үйл ажиллагааг нь зогсоолоо.

Тус үйлдвэрт мал эмнэлэг, эрүүл ахуй халдвар хамгааллын хяналтын улсын байцаагчид хамтран хяналт шалгалт хийхэд зориулалтын бус байранд ариун цэвэр, эрүүл ахуйн шаардлага хангахгүй нөхцөлд үйл ажиллагаа явуулж байгаа нь тогтоогдсон байна.

Монгол улсын хүнсний тухай хуулийн 10.1.2, Хүнсний бүтээгдэхүүний аюулгүй байдлыг хангах тухай хуулийн 6.5 дахь заалтыг тус тус зөрчиж байсан тул улсын байцаагчийн актаар ийнхүү арга хэмжээ авсан аж.