Хү - Метаверст тоглолт 2023 оны гуравдугаар сарын 30, 31-ний өдрүүдэд Ази, Европ, Америкийн гурван бүсэд амжилттай зохион байгуулагдлаа.

Уг виртуал тоглолтоор 60 гаруй минутын хугацаанд шилдэг есөн уран бүтээлээ фэнүүддээ хүргэв. Ингэснээр Хү хамтлагийн тоглолтоор дамжуулан дэлхийн олон улсын үзэгчдийг Метаверст нэгэн дор цуглуулж, Монгол өв соёлоор аялуулсныг тэмдэглэх нь зүйтэй.

Хамгийн тэмдэглүүштэй нь, Монгол Улсын хөгжлийн түвшин, гаднынхны төсөөлөл, Монгол хүний үнэлэмжийг цоо шинэ түвшинд гаргалаа.

Тоглолтод оролцогсод хамтлагийн гишүүдээс өөрийн хүссэн дуучны дүрийг бүтээж, бодит амьдрал дээр боломжгүй үзэгдлүүд, гараар бүтээх боломжгүй тайзны шийдэл бүхий орчинд Хү хамтлагтай гайхалтай агшныг өнгөрүүлжээ.

Уг тоглолтоор Монгол үндэснийхээ өв соёл, түүхийг урлаг соёлоороо дамжуулан дэлхийд таниулахаас гадна урьд хожид байгаагүй бизнес моделийг бий болгож буйгаараа өнөө цаг үед чухал ач холбогдолтой нь чамлахын аргагүй том дэвшил болж байна.

Ийнхүү Метаверс буюу дижитал ертөнцөд Монголчууд, Монголын урлагийнхан хоцорсонгүй. Магадгүй зарим улс орноос түрүүлж алхаж чадаж байна. Хамгийн тэмдэглүүштэй нь, Монгол Улсын хөгжлийн түвшин, гаднынхны төсөөлөл, Монгол хүний үнэлэмжийг цоо шинэ түвшинд гаргалаа.