ХОЁРДУГААР САРЫН СПОРТ: Жүдо, CS2-ын их дуулга тэмцээнүүд болно

ЖҮДО

2024.02.02-04. Парисын их дуулга. Олон улсын жүдо бөхийн холбооны 2024 оны эхний их дуулга Францын нийслэлд эхэлнэ. Тэмцээнд 111 орны 676 тамирчин оролцохоор бүртгүүлсэн бөгөөд Монголын шигшээ багийн 18 тамирчин оролцоно.

2024.02.16-18. Бакугийн их дуулга. Олон улсын жүдо бөхийн холбооны 2024 оны хоёр дахь их дуулга Азербайжаны нийслэлд болно. Тэмцээнд 42 орны 203 тамирчин бүртгүүлээд байна.

CS2

2024.01.31-02.11. Intel Extreme Masters Katowice 2024. ESL-ээс зохиож буй 2024 оны эхний том тэмцээн болох Intel-ын их дуулга цуврал Польшийн Катовиц хотод эхэлнэ. 1 сая ам.долларын шагналын сантай тэмцээнд Ази тивийг төлөөлөн Монголын "The MongolZ" баг оролцоно.

2024.01.31-02-02. 5E Arena Asia Cup Spring 2024. BLAST Premier: Spring Showdown 2024 тэмцээнд Ази тивийг төлөөлөх ганц эрхийн төлөөх 5E "Arena Asia Cup Spring 2024" тэмцээн онлайнаар болно. Тэмцээнд Хятадын "Lynn Vision Gaming", "TYLOO", "NewHappy", "Wings Up Gaming" багууд уригдсан бол Хятадын "Steel Helmet", Оросын "GR Gaming" багууд нээлттэй сонгон шалгаруулалтаас оролцох эрхээ авсан.

2024.02.16-17. ESL Challenger #56: Asian Closed Qualifier. "ESL Pro League S20"-ын эрх олгох 56 дахь удаагийн "ESL Challenger" зэрэглэлийн тэмцээн дөрөвдүгээр сард болно. Тус тэмцээнд Ази тивийг төлөөлөн ямар баг оролцохыг шийдэх хаалттай сонгон шалгаруулалтын тэмцээн онлайнаар болно. Хаалттай сонгон шалгаруулалтад 2 баг урилгаар оролцох бол 2 багийг хоёрдугаар сарын 14-15-ны хооронд болох нээлттэй сонгон шалгаруулалтаас тодруулна.

2024.02.13. ESL Challenger League Season 47: Asia. Дөрвөн сар үргэлжлэх ESL Challenger League-ын 47 дахь улирлын тэмцээн хоёрдугаар сард онлайнаар эхэлнэ. Тус тэмцээнд Монголын "The MongolZ", "ATOX Esports", "Clutch Gaming", "The QUBE Esports" багууд оролцоно.

2024.02.26-27. PGL Major Copenhagen 2024: Asia-Pacific RMR. 2024 оны эхний мажорыг PGL-ээс зохиох бөгөөд Данийн нийслэл Копенхаген хотод болно. 1,250,000 ам.долларын шагналын сантай тэмцээнд Ази-Номхон далайн бүсээс хоёр баг оролцох боломжтой. Тэр хоёр багийг тодруулах "Asia-Pacific RMR" урьдчилсан шатны тэмцээн хоёрдугаар сард Хятадын Шанхай хотод болно. Номхон далайн 1, Хятадын 2, Зүүн Азийн 2, Зүүн өмнөд Азийн 1, Ойрх Дорнодын 2 нийт 8 баг тус RMR-т оролцоно. Зүүн Азийн бүсээс Монголын "The MongolZ", "ATOX Esports" багууд оролцох эрхээ авсан.

САГСАН БӨМБӨГ

2024.02.18. 2024 NBA All-Star Game. NBA-ын 2023-2024 оны улирлын Бүх оддын тоглолт Индианаполис хотын "Gainbridge Fieldhouse" болон "Lucas Oil Stadium" цэнгэлдэх хүрээлэнд болно.

DOTA 2

2024.02.04-16. BetBoom Dacha Dubai 2024. FISSURE-ээс зохиодог 1 сая ам.долларын шагналын сантай тэмцээн Эмиратын Дубай хотод болно. Тэмцээнд Ази тивээс Хятадын "Azure Ray" баг оролцох эрхээ авсан.

2024.02.19-25. Games of the Future 2024. Шагналын сангаа нэмэгдүүлсэн Games of the Future-ын тэмцээн Оросын Казань хотод болно.

2024.02.25-03.10. DreamLeague Season 22. ESL-ээс зохиодог мэргэжлийн лигийн 22 дахь улирал Европын бүсэд онлайнаар болно. Тэмцээнд Ази тивийг төлөөлөн "Aurora" баг оролцоно.

АМЕРИК ХӨЛ БӨМБӨГ

2024.02.11. Super Bowl LVIII. Америкийн хөл бөмбөгийн үндэсний аварга шалгаруулах тэмцээний финалын тоглолт, алдар Super Bowl энэ жил Невада мужийн Парадайз хотын "Allegiant Stadium" цэнгэлдэхэд болно.

MOBILE LEGENDS

2024.02.26.03.02. Games of the Future 2024. Оросын Казань хотноо болох 1 сая ам.долларын шагналын сантай тэмцээнд Монголын "Team Lilgun" баг урилгаар оролцоно.

ХӨЛ БӨМБӨГ

2024.01.13-02.11. 2023 Africa Cup of Nations. Африкийн хөл бөмбөгийн холбооноос зохиодог Африкийн үндэстний цомын тэмцээн буюу "AFCON" Кот д’Ивуар улсад болно. 34 дэх удаагийн AFCON 2023 онд болох байсан ч зохион байгуулагч улсын цаг уурын нөхцөл байдлын улмаас хойшилсон. Тэмцээн хоёр жилд нэг удаа болдог бөгөөд сүүлд буюу 2021 онд Камерун улсад болоход Сенегалчууд түрүүлж байв.

2024.01.12-02.10. 2023 AFC Asian Cup. Азийн хөл бөмбөгийн холбооноос зохиодог "Азийн цом" Катар улсад болно. 18 дахь удаагийн цомын тэмцээн 2023 онд болох байсан ч Персийн булангийн уур амьсгал болоод зохион байгуулагч орон өөр тэмцээнд оролцох болсноор хойшилсон. Азийн шилдэг 24 улс оролцох тэмцээн Катарын таван хотын 9 цэнгэлдэх хүрээлэнд болно. Тэмцээн 4 жилд нэг удаа болдог баг 2019 онд АНЭУ зохион байгуулж Катар түрүүлж байсан.

FORMULA 1

2024.02.29-03.02. Bahrain Grand Prix. Formula 1-ийн 75 дахь улирлын нээлтийн гараа Бахрейны "Bahrain International Circuit" зам дээр болно.

ОЛОН ТӨРӨЛТ

2024.01.19-02.01. 2024 Winter Youth Olympics. Дөрөв дэх удаагийн, өвлийн залуучуудын олимп Өмнөд Солонгосын Ганвон мужид болно. "Gangwon 2024" наадамд 1900 гаруй тамирчин 7 спортын 81 төрлөөр өрсөлдөх бөгөөд Монгол Улсын 6 тамирчин оролцохоор бүртгүүлжээ.