Дэлхийн улс орнууд бүгд л өөрийн гэсэн өвөрмөц соёл, уламжлалтай. Тиймдээ ч хүний амьдралд ганц тохиох хуримын ёслолыг үндэсний уламжлалдаа тохируулан төрөл бүрээр хийдэг.

Хуримын даашинз бол эмэгтэй хүний хамгийн нандин гоёл. Камбож улсад сүйт бүсгүй өөрийн гэр бүлээс уламжлагдан ирсэн даашинз өмсдөг бол Марокко улсын ёс заншлаар  3-5 хувцас сольж өмсөх жишээтэй.

Улс бүрийн хувьд хуримын гоёл өөрийн гэсэн өнгө төрх, утга учрыг илэрхийлдэг. Дэлхийн өнцөг булан бүрд хуримаа хийн догдолж буй бүсгүйчүүдийн зургийг хүргэж байна.

Узбекистанд сүйт бүсгүй хуримын даашинзаа ёслолын дараа гэртээ өлгөдөг байна. Ингэснээр түүний гэр бүл, найз нөхөд, зочид даашинзных нь сайхныг биширч чадна. Хуримын ёслолд 400 орчим хүн оролцдог нь энгийн үзэгдэл. Зардлын хувьд дунджаар 20 мянган ам.долларын өртөгтэй байдаг.

Өмнөд Солонгосчуудын хуримын ёслолын хэв маяг барууны орнуудтай төстэй. Залуу хосуудын хувьд үндэсний хувцсаа өмсөж хуримаа хийх үзэгдэл багасжээ.

Энэтхэгт сүйт бүсгүй аз жаргал, амжилтыг бэлгэдсэн ягаан болон улаан өнгийн даашинзыг өмсдөг.

Еврейн шашин даруу занг эрхэмлэдэг. Тийм ч учраас сүйт бүсгүй зөвхөн гар болон толгойгоо харуулсан даашинз өмсдөг.

Пакистаны соёлын хувьд сүйт бүсгүй алтаар бүрсэн гоёл чимэглэлтэй, өнгөлөг даашинз өмсдөг.

Камбожид сүйт бүсгүй үндэсний хэв маягтай торгон даашинз өмсдөг байна. Зарим тохиолдолд барууны хэв шинжийг агуулсан хурим хийх тохиолдол бий.

Еврейн шашин даруу занг эрхэмлэдэг. Тийм ч учраас сүйт бүсгүй зөвхөн гар болон толгойгоо харуулсан даашинз өмсдөг.

Эх сурвалж: Business insider