Аригунагийн хэрэглэгчдийн хэрэглээ, шаардлага дээр үндэслэн нээлттэй ажлын байрны платформ функцийг Аригунад нэмэлтээр хөгжүүлжээ. Цаашлаад энэхүү функцийг бие даасан бүтээгдэхүүн болгон блокчейн технологийг нэвтрүүлж хөгжүүлэлт хийхтэй холбоотойгоор олон нийтээс хөрөнгө оруулалт татахаар ажиллаж байгаа юм байна.

Энэ төрлийн хөрөнгө оруулалт татах хэлбэрийг Crowdfunding гэдэг бөгөөд гарааны бизнес, зах зээлд өрсөлдөхүйц бүтээгдэхүүн, үйлчилгээний төслийг хэрэгжүүлэхэд түгээмэл ашиглагддаг санхүүжилтийн нэгэн төрөл билээ. Сүүлийн жилүүдэд  энэхүү санхүүжилтийн төрөл нь түгээмэл хэрэглэгдэх болсон нь гол шалтгаан нь банк, хөрөнгийн бирж зэрэг дундын  зуучгүйгээр бизнес эрхлэгч болон хөрөнгө оруулагч нар шууд харьцан цаг хугацаа, зардал хэмнэхээс гадна хөрөнгө оруулагч нарт илүү өгөөжтэйгөөрөө онцлог юм.

Тус компанийн үнэлгээг АНУ-ийн хөндлөгийн үнэлгээний Stonebridge компани гаргасан бөгөөд тэдний тооцооллоор 2026 он гэхэд Egulen Systems компанийн ашиг 1.1 сая ам.доллар хүрэх төлөвтэй байгаа гэнэ.

Egulen Systems нь өөрийн вэб сайтаараа дамжуулан 4 дүгээр сарын 25-ны 00:00 цаг хүртэл хувьцаагаа арилжаалах бөгөөд АНУ дахь компанийн албан ёсны хувьцаа эзэмшигч болж хоёр жилийн турш жил тус бүрийн 10%-ийн ам.долларын өгөөж хүртэхийг хүссэн хүн бүхэн тэдний вэбсайтаар орж бүртгүүлээд, захиалгаа өгөх боломжтой гэнэ. Дэлгэрэнгүй мэдээллийг эндээс авна уу.

Нийт 1,250,000 ширхэг хувьцаа гаргаад байгаа бөгөөд компанийн үнэлгээ нь 3,250,000 ам.доллар юм. Үүний 20 хувийг буюу 250,000 ширхэг хувьцааг нэгжийг нь 2,6 ам.доллароор үнэлэн санал болгож байгаа бөгөөд аль болох олон хүн оролцуулахыг хүсэн захиалгын дээд хэмжээг 26,000 ам.доллароор тогтоосон бол доод хэмжээ нь 260 ам.доллароор хязгаарлаж буй.