АНУ-ын Төрийн департаментийн Фулбрайт хөтөлбөрийн хүрээнд Сэтгүүл Зүйн Инновац Хөгжлийн Үүр төвөөс зохион байгуулсан Дата сэтгүүл зүйн анхан, дунд, ахисан шатны сургалтад GoGo.mn сайтын хамт олон хамрагдлаа.

Дата сэтгүүл зүйн сургалтыг Сэтгүүл Зүйн Инновац Хөгжлийн Үүр төвийн урилгаар АНУ-ын Virginia Commonwealth их сургуулийн хүндэт профессор Жефф Саут (Jeff South) удирдан явуулсан. Тэрээр өгөгдлийг хайх, боловсруулах болон түүнийг хэрхэн бүтээлчээр, инфографикийн аргаар дүрслэх тухай өөрийн туршлагаас хуваалцсан юм.

Сургалтад нийт 13 редакцын болон сэтгүүл зүйн танхимын багш, их хэмжээний өгөгдөлтэй ажилладаг төрийн байгууллагуудын хэвлэл, олон нийттэй харилцах мэргэжилтнүүд, хувиараа ажлладаг сэтгүүлчид нийлсэн 137 хүн бүртгүүлснээс 113 нь гурван удаагийн сургалтад хамрагдан батламжаа гардан авсан.