-Төрсөн өдөр- 

АНУ-ын анхны хар арьст ерөнхийлөгч Барак Обама Хавай мужийн нийслэл Гонолулид 1961 оны энэ өдөр кени гаралтай Барак Хусейны гэр бүлд мэндэлжээ. Түүний эцэг Зүүн Африкийн Кени Улсын "Лио" овогтон. Түүний өвөг эцэг Хусейн Онюанго Английн колончлолын үед цэргийн зүтгэлтний тогооч үйлчлэгч байсан аж.

Обамагийн ээж Анн Дунхам Станли Канзасийн уугуул, Хавайн суугуул айлын ганц охин, жинхэнэ Америк бүсгүй. Хавайн Их Сургуульд суралцаж байхдаа ахлах ангийнхаа оюутан Африкийн цоглог залууд дурлан гэрлэжээ. Тэдний дундаас төрсөн хүү өдгөөгийн Нэгдсэн Улсын Ерөнхийлөгч Б.Обама юм. Ахлах сургуулиа дүүргэсний дараа Лос-Анжелосийн "Occidental" коллежид суралцаад улмаар Нью Йоркийн Колумбиа их сургуульд суралцаж олон улсын харилцааны мэргэжлээр төгсжээ.

"Ивай лиг"-ийн буюу Америкийн шилдгийн шилдэг хоёр ч их сургуулийг төгссөн боловсрол түүнд ихээхэн эрч хүч өгч байжээ. Иллионес мужийн сенатын гишүүнээр гурван удаа сонгогдож, 30 гаруй жилийн амьдралаа төрийн бодлогод зориулсан зүтгэлтэн. Барак Обамагийн гэргий Мишел ЛаВаугн Робинсон бас л хар оддын нэг. Харвард их сургуулийг хуульч мэргэжлээр төгссөн өндөр боловсролтой бүсгүй юм.

А.Батсайхан