Үндэсний супер лигийн лхагва гарагийн сүүлийн тулаан Ирвэсүүд, Смарт багууд хооронд өрнөж, Спортын төв ордныг доргиолоо. Мон-Алтиус Дундговь Смарт тоглолтын эхлэлийг маш сайн эхлүүлж эхний хагас 30 онооны зөрүүтэй хожиж байсан ч гуравдугаар үеэс Ирвэсүүд эргэн ирэлт хийж онооны илүү байдлыг ч авч байсан юм.

Б.Дархантөгс эцсийн мөчид гайхалтай тоглолтыг үзүүлж хоёр дараалсан довтолгоогоо амжилттай болгон гурван онооны илүү болж Dylan Brewer шидэлтээ алдаснаар Мон-Алтиус Дундговь Смарт хожил байгуулж, Сентоза Ирвэсүүд энэ улирлыг гурав дахь хожигдолтойгоор үргэлжлүүлж байна. Санчир гайхалтай байж 44 оноо, 6 самбараас бөмбөг авалт гүйцэтгэсэн бол Dylan Brewer 25оноо, 8 самбараас бөмбөг авалт, 8 дамжуулалт, Дорж-Арилд 14 оноо авсан ч бусад тоглогч хангалтгүй байлаа.

Харин Смартаас Б.Дархантөгс 26 оноо, Andre Brown 25 оноо, 12 самбараас бөмбөг авалт Цэрэнбаатар 15 оноо, 14 самбараас бөмбөг авалт Kashif Watson 20 оноо, 7 ашигтай дамжуулалт Kam Miller 14оноо тус тус гүйцэтгэснээр баг нь хожиход хангалттай байлаа. Тоглолтод хожигдсон Ирвэсүүд 8-н хожил 3 хожигдолтой хүснэгтийг тэргүүлсэн хэвээрээ байгаа бол Смарт хүснэгтийн 5-р байранд бичигдэж байгаа юм.