Монголын үндэсний сагсан бөмбөгийн холбооны ээлжит нэгэн гайхалтай тоглолт Төв аймаг Ургац баг болон Архангай Лидер багуудын хооронд боллоо. Тус тоглолтын эхний хагас оноо ээлж дараалан солигдсон өрсөлдөөнтэй болсон хэдий ч тоглолтын шийдвэрлэх хагаст Төв Ургац багийн лигеонер тоглогч Крис Жонес гайхалтай байж, улирлын ээлжит хожлоо авлаа.

Тус тоглолтод Төв ургац багаас Крис Жонес 35 оноо, 10 оновчтой дамжуулалт 8 самбараас бөмбөг авалт гүйцэтгэсэн бол Дэлгэрням 16 оноо, 14 самбар Онвукамуче 11 оноо, 17 самбараас бөмбөг авалт гүйцэтгэж багаа хожилд хөтөлсөн байна.

Эсрэг баг болох Архангай Лидерээс Жонотан Блэйк 31 оноо авч багаа тэргүүлсэн байна. Мөн төвийн тоглогч Чу Мадабум 13 оноо 20 самбараас бөмбөг авалт хийсэн хэдий ч энэ нь хожиход хангалтгүй байсан байна.

Ингэснээр Төв ургац долоо дараалсан ялалтыг байгуулж байгаа бөгөөд одоогоор хүснэгтийн хоёрдугаар байрт бичигдэж байна. Харин Архангай Лидерийн хувьд таван хожил зургаан хожигдолтойгоор хүснэгтийн тавдугаар байрт бичигдэж байна.