Эрүүл мэндийн сайд КОВИД-19-ийн эсрэг "Pfizer-BioNTech" вакциныг 5-11 насны хүүхдүүдэд тарих тушаалыг гаргасан бөгөөд ирэх сараас эцэг эхийн зөвшөөрлийн дагуу хийж эхлэх юм. Тэгвэл хүүхдэд зориулсан вакцин нь 12 ба түүнээс дээш насныханд хэрэглэдэг вакцинаас юугаараа ялгаатай болохыг хүргэж байна.

• Зөвхөн Pfizer вакциныг 5-11 насны хүүхдүүдэд тарихыг зөвшөөрсөн.
• Хүүхдүүдэд Ковидын вакциныг гурван долоо хоногийн зайтай хоёр тунгаар хийнэ.
• Тун нь 12 ба түүнээс дээш насны вакцины тунгийн гуравны нэг юм. Савлагаа нь өөр
• Эдгээр насны хүүхдүүдэд бага тунгаар тарихад үр дүнтэй, гаж нөлөө багатай болох нь ОУ-д хийсэн эмнэлзүйн туршилтаар батлагдсан.
• АНУ, Их Британи, Израйл улсын 5-11 насны 2000 гаруй хүүхдэд хийсэн эмнэлзүйн туршилтаар вакцин нь 90 гаруй хувийн үр дүнтэй, аюулгүй болох нь нотлогдсон.
• 12-17 насны хүүхдүүд 1 болон 2 дахь тунд хамрагдсан хүүхдүүд дахин халдвар авах эрсдэлтэй тул Эрүүл мэндийн сайдын тушаалын дагуу 3 дахь тунд хамруулж эхлээд байна.