Сэлэнгэ аймаг, Хүдэр сум. Тарвагатай багт малчин М... есдүгээр сарын 12-ны өдрийн 13:00 цагийн орчим малаа хариулж яваад сураггүй болсон бөгөөд эрэн хайх ажиллагаанд хүч нэмэгдүүлэн ажиллах тухай хүсэлтийг аймгийн Цагдаагийн газраас өчигдөр буюу есдүгээр сарын 13-ны өдрийн 09:37 цагт хүлээн авсан.

Тус аймгийн Онцгой байдлын газрын Хүдэр сум дахь Эрэн хайх, аврах салбар, аймгийн Цагдаагийн газрын алба хаагчид, Хүдэр, Алтанбулаг сумын Засаг даргын Тамгын газрын ажилтнууд Сэлэнгэ аймгийн Алтанбулаг сумын харьяат малчин М/38 настай, эрэгтэй/-ийг эрэн хайх ажиллагааг 09.13-ны өдрийн 15:00 цагаас 19:00 цаг хүртэл тухайн айлын намаржаанаас баруун зүгт 7 км-т “Хадай” уулын орчмоор зохион байгуулсан.

Өнөө өглөө буюу 14-ний өдрийн 07:00 цагт эрэн хайх ажиллагааг дахин эхлүүлсэн. Хүч нэмэгдүүлэн ажиллахаар тус аймгийн Онцгой байдлын газрын Эрэн хайх, аврах анги, Цагдаагийн газрын алба хаагчид өнөөдөр үүрээр 05:00 цагт ангиас гарч 07:15 тухайн газарт очжээ.

Эх сурвалж: ОБЕГ