Хонконгийн Захирагчаар сонгогдсон Жон Ли ирэх сарын эхээр Бээжинд айлчлан, БНХАУ-ын Ерөнхийлөгч Ши Жиньпин болон Ерөнхий сайд Ли Көциян нартай уулзахаар боллоо.

Энэ нь түүний Хонконгийн захирагчаар сонгогдсоноос хойш Бээжинд хийх анхны айлчлал юм. Дөрвөн өдөр үргэлжлэх айлчлалын үеэр Жон Ли Захирагчийн албан тушаалд томилохыг зөвшөөрсөн албан бичиг хүлээн авахаар байна.

Мөн тэрбээр шинээр байгуулах засаг захиргаандаа томилохоор сонгосон албан тушаалтнуудынхаа мэдээллийг танилцуулах ёстой юм.

О.Цэнгэг