Сагсан бөмбөгийн Үндэсний Дээд лигийн Тэнүүн Өлзий Металл баг плей-оффын эхний шатанд Архангай Алтан Дорнодын Дайчид багийг хожиж дараагийн шатанд шалгарлаа.

Хоёр багийн цувралын тав дахь тоглолт өнөөдөр болоход Металлууд 97-83 харьцаагаар хожсоноор цувралд 4-1 харьцаагаар илүүрхэв.

Металлаас Д.Дэлгэрням 18 оноо, 16 самбартай double-double хийсэн бол Б.Сүхбат 21 оноо, Кристофер Блейк 25 оноо, 7 самбар, 7 дамжуулалтаар багаа тэргүүллээ.

Металлууд дараагийн шатанд М Гарьд болон Завхан Бродерс багуудын хожсонтой тоглоно.