Өчигдрийн хоёр дахь тоглолт Сентоза Ирвэсүүд болон Дархан Гарьдын хооронд болсон юм. Хоёр багийн хооронд өрнөсөн супер дуэль Спортын төв ордоныг доргиолоо.

Тоглолтын дунд үеэс Ирвэсүүд онооны зөрүүг бага багаар холтгон 20 онооны зөрүүг үүсгэсэн ч Дархан Гарьд амархан бууж өгөхийг хүссэнгүй Б.Мөнхболдын шидэлтүүд байндаа тусаж R.Turner гайхалтай байснаар дөрөвдүгээр үеийн төгсгөлд онооны харьцаа илүү болсон юм.

Харин Т.Санчир, Э.Цэвэлдорж нар гайхалтай төгсгөл хийж багтаа оноо авчирч байсан бол эцсийн мөчид Э.Дорж-Арилдийн хийсэн дундын зайн шидэлт тоглолтыг шийдсэн шидэлт байлаа. Ингэснээр Ирвэсүүд ес дэх хожлоо авч есөн хожил хоёр хожигдолтой лигийг итгэл төгс тэргүүлсэн хэвээр байна.

Ирвэсүүдээс Т.Санчир гайхалтай байж 38 оноо, 8 оновчтой дамжуулалт, 7 самбараас бөмбөг авалт гүйцэтгэж багаа тэргүүлсэн бол Э.Цэвэлдорж 29 оноо, Э.Дорж-Арилд 16 Dylan Brewer 21 оноо, 5 оновчтой дамжуулалт тус тус гүйцэтгэсэн байна.

Харин Дархан Гарьдаас Robert Turner гайхалтай байж 30 оноо, 16 оновчтой дамжуулалт, 14 самбараас бөмбөг авалт гүйцэтгэж гайхалтай тоглолт үзүүлсэн. Мөн Turmen 22 оноо, Ууганбаяр 21 оноо, Б.Мөнхболд 18 тус тус авсан ч сэлгээний тоглогчид хангалтгүй байснаар хожигдол хүлээлээ.

Тэдний сэлгээний баг өнөөдөр ердөө 16 оноо авсан нь хангалтгүй байсан юм. Улмаар Дархан Гарьд таван хожил зургаан хожигдолтой хүснэгтийн дөрөвдүгээр байрт бичэгдсэн хэвээр үлдлээ.