Нийслэлд өнөөдөр 17.30 цаг 58 секундэд 4 магнитудын хүчтэй газар хөдлөлт болсон талаар Онцгой байдлын ерөнхий газраас мэдээллээ.

Тодруулбал Улаанбаатар хотоос 70 км-ийн зайд Гүнжийн сүм гэдэг газраас хойш 7км газарт гүн нь 2км-т 4 магнитудын хүчтэй газар хөдлөлт болсон байна. Энэ талаарх мэдээллийг Одон орон, геофизик судлалын хүрээлэнгээс өгчээ. Газар хөдлөлтийн улмаас иргэдэд ямар нэг хохирол учирсан талаарх мэдээлэл одоогоор ирээгүй байна.