Мобиком Корпораци хэрэглэгчдэдээ шинэлэг, тав тухтай орчинд хурдан, шуурхай үйлчилгээ үзүүлэх зорилгоор Монгол орон даяар, бүх салбарууддаа өөрчлөлт, шинэчлэлтийн ажлыг эрчимтэй хэрэгжүүлж байгаа билээ.

Тэгвэл энэ удаад Эрдэнэт хот дахь Мобикомын салбар шинэчлэгдэж, орчин үеийн хэв маягтай, дижитал орчинд хэрэглэгчдээ угтахад бэлэн болсон байна. Ингэснээр уламжлалт үйлчилгээг дижитал шийдлээр орлож, өөртөө үйлчлэх ухаалаг төхөөрөмж ашиглан алтан цагаа хэмнэх давуу талыг бий болгожээ.

Мобиком Корпорациас 2021 онд үйлчилгээний салбарууддаа шинэ стандартыг нэвтрүүлж, кофе шоп, сүлжээ дэлгүүрүүдтэй хамтран шинэлэг үйлчилгээг нэвтрүүлж, хэрэглэгчдэдээ үйлчилгээгээ авч, ярианы төлбөрөө төлөнгөө халуун кофе уух зэрэг олон боломжийг бүрдүүлсэн билээ.

Шинэ салбарыг зорин ирсэн хэрэглэгчдэдээ дараах хоёр төрлийн урамшууллаар бэлэг барьж байна.

2021.10.29-нийг дуустал шинэ дугаар худалдан авсан, багцаа ахиулсан, Voo, Monpay-н шинэ гэрээ байгуулсан болон 7000 төгрөгийн нэгжийн карт худалдан авсан хэрэглэгчид сугалаат урамшуулалд оролцох эрхтэй болно.

Сугалааны тохирлыг долоо хоног бүрийн даваа гарагт  Эрдэнэт салбарын албан ёсны цахим хаягаар тодруулах бөгөөд хэрэглэгч та дата эрхээс гадна Samsung брэндийн ухаалаг гар утасны эзэн болох боломжтой. Бид 7 хоног бүр 3 гар утасны ялагчийг тодруулах болно.

Мөн Эрдэнэт салбарын албан ёсны цахим хаягийн дагагч нартаа зориулан онцгой бэлэг бэлдлээ. Та Mobicom – Эрдэнэт пэйж дээр оруулсан урамшууллын мэдээлэлд like дарж, share хийснээр 11/1-нд тодруулах Samsung A12 гар утасны 2 ялагчийн нэг болох боломжтой.

Эрхэм хэрэглэгч та бүхэн Эрдэнэт салбарын шинэ өнгө төрхтэй танилцахын сацуу урамшуулалдаа хамрагдаж, гар утасны эзэн болоорой.