SMART POLICE буюу “Ухаалаг Цагдаа” цахим өргөдөл гомдлын нэгдсэн системийг ашиглалтанд оруулжээ. 

Ингэснээр иргэдээс төрийн байгууллага албан тушаалтанд гаргасан өргөдөл гомдлыг шийдвэрлэх тухай хуулийн хэрэгжилтийг хангах, цагдаагийн байгууллагад өгөх өргөдөл гомдлыг цахим хэлбэрт оруулах, иргэд өгсөн өргөдөл гомдлынхоо явц, шийдвэрлэлтийн үр дүнг интернетийн орчинд хянах бололцоотой.

Энэ цахим системд иргэд, аж ахуй нэгж байгууллагууд дүүргүүд дэх цагдаагийн хэлтсийн иргэд хүлээн авах хүлээлгийн танхимд байрлуулсан мэдрэгчтэй дэлгэцээр өөрийн биеэр очиж өргөдөл, гомдол өгөх, шийдвэрлэлтийн явцыг хянахаас гадна интернетийн орчинд хаана байгаа газраасаа www.smartpolice.mn буюу “Ухаалаг цагдаа” вэб сайтаар дамжуулан хандах боломжтой юм байна.