Азербайжаны Бакуд жүдо бөхийн “Их дуулга” тэмцээн өнөөдөр гурав дахь өдрөө үргэлжилж байна.

Манай улсаас тус тэмцээнд долоон бөх барилдсан.

Тэмцээний эхний өдөр 48кг-д дэлхийн аварга М.Уранцэцэг түрүүлсэн бол А.Цолмон, Г.Хэрлэн нар медальд хүрээгүй.

Тэмцээний хоёр дахь өдөр 73кг-д зодоглосон Х.Цагаанбаатар “А” зоог тэргүүлэн барилдаж хэсгийн аваргын төлөөх барилдаанд Францын бөх Дупрат Пиеррэд цэвэр ялагдсан юм. Хүрэл медалийн төлөөх барилдаанд Арабын нэгдсэн Эмиратын бөх  Сквортов Викторт вазари үнэлгээгээр ялагджээ. .Хишигбаярын хувьд эхний өрсөлдөгчдөө ялагдснаар тэмцээнээ дуусгалаа. 81кг-д С.Ням-Очир Казахстаны бөхөд ялагдсан байна.

Өнөөдөр -100кг-д олимпийн аварга Н.Түвшинбаяр зодоглож Швейцарын бөхөд цэвэр ялагдлаа.