Хүүхдийн баяр болоход 10 хүрэхгүй хоногийн хугацаа үлдээд байна. Энэ цаг мөчид хүн бүр хүүхдээ хэрхэн баярлуулах талаар бодож суугаа байх.

Хүүхдийн таргалалт, хоол боловсруулах тогтолцооны болоод шүдний өвчлөл ихсэх болсон энэ үед та чанарын шаардлага хангахгүй импортын бүтээгдэхүүнээр хүүхдээ хуурах гэж байгаа юм биш биз.

Тэгвэл түр азнаарай. Хаана, хэрхэн үйлдвэрлэсэн, баталгаатай эсэх нь эргэлзээтэй бэлэг сонгосноос буух эзэн, буцах хаягтай, хүүхдийн эрүүл мэндэд тустай үндэсний үйлдвэрлэгчдийн бэлгийг санал болгож байна.

Хүүхдийн баярыг тохиолдуулан “Монгол контент” ХХК, Монос хүнс, Ариун, Golden Gobi, Toy land зэрэг үндэсний үйлдвэрлэгчид нэгдэж, хямд төсөр, зургаан төрлийн сонголттой бэлгийг хүүхдүүддээ барихаар болжээ.

Нэг бүрийн үнэ  8900-24900 төгрөг бөгөөд бэлгийн багцад “Монгол Контент” ХХК-аас эрхлэн гаргаж буй хүүхдийн сэтгэхүйг хөгжүүлэх "Маамуу" Анимейшний ном, стикер ном, бүтээлч, буддаг болон дасгалын номууд багтаж байгаа юм.

Ногун комик цувралын 1-11 дугаар, хөлөгт тоглоом, буддаг ном, комикийн тусгай дугаар, Ногун соронз болон бугуйвч зэргээс сонголтоо хийх боломжтой.

Мөн уг бэлэгт “Монос хүнс” компаниас гаргасан хүүхдийн эрүүл мэндэд сөрөг нөлөөгүй "Маамуу" нэрийн аньс, нэрсний ундаа, ааруултай үрэл, үзэмтэй үрэл, "Голден Говь" компанийн үзэмтэй болон самартай шоколад, олон жимст чихэр багтжээ.

Төрөл бүрийн номууд, эрүүл хүнсээс гадна бяцхан үрсэд зориулсан тоглоомтой багцаас ч сонголтоо хийж болно.

Бэлгээс олсон орлогыг үндэсний “Маамуу” төслийн хүүхэлдэйн киноны зардалд нэмэрлэх тул та хүүхдээ баярлуулаад зогсохгүй хүүхдийн оюуны хөрөнгө оруулалтад өөрийн хувь нэмрээ оруулах давуу талтай юм.