Олон улсын улаан загалмайн хорооноос Монгол Улсыг уур амьсгалын өөрчлөлтөд хамгийн ихээр өртөж байгаа орнуудын нэг гэж үзэж, үер, зуд, түймэр, ган гачиг зэрэг гамшиг ослын үед ажиллах сайн дурын ажилтныг бэлтгэхээр болжээ.

“Эхний удаад аймаг тус бүрээс 15 хүн бэлтгэнэ. Энэ хүмүүс сум орон нутагтаа очоод, гамшиг ослын үед хэрхэн ажиллах сургалт явуулна” гэж МУЗН-ийн Ерөнхий нарийн бичгийн дарга Н.Болормаа ярилаа.

Сургалтыг ирэх есдүгээр сард эхлүүлэх бөгөөд энэ ажилд 100 сая төгрөг төсөвлөжээ.