Юнител групп "Ногоон байгаасай" хог цэвэрлэгээний аяныг 2017 оноос хойш зохион байгуулж байгаа билээ. Сүүлийн 2 жил хугацаанд Туул голын сав газрын захиргаатай хамтран байгаль эх дэлхийгээ хамгаалах үйлст нэгдэж байна.


Энэ удаагийн аян 110 км газрыг хамарсан маш өргөн хүрээнд болж өндөрлөлөө. Аянд нэгдсэн 7500 залуус маань 5 байршил 12 цэгт хуваагдан Туул голын сав дагуу Дунд гол, Бэлх гол, Улиастай гол, Зайсангийн гүүр, Маршлын гүүр, Баянзүрхийн гүүр орчимд цэвэрлэгээ хийв.


Цэвэрлэгээний үр дүнд нийт 1000 гаруй тонн хогийг цэвэрлэж байгаль орчиндоо үнэтэй хувь нэмэр оруулсан байна. Энэхүү арга хэмжээнд сайн дураараа нэгдэж, чин сэтгэлээсээ цэвэрлэгээ хийсэн залуустаа баярлалаа.


Байгаль дэлхий минь "Ногоон байгаасай"