• DreamLeague Season 23-ын урьдчилсан шатны тэмцээнүүд болж байна.
• Зүүн Европын урьдчилсан шатнаас О.Сүхбатын "Natus Vincere" эрхээ авлаа.

ESL-ээс зохиодог Dota 2-ын хамгийн том лиг "DreamLeague"-ын 23 дахь улирал тавдугаар сарын 20-д эхэлнэ. Дэлхийн шилдэг 12 баг оролцох тэмцээний Зүүн Европын урьдчилсан шатны тоглолтууд болов.

Монголын "Lilgun", "IHC Esports" багуудад тоглож байсан midlaner "sanctity-" буюу Отгондаваагийн Сүхбатын шинэ баг, алдарт "Natus Vincere" тус урьдчилсан шатанд өрсөлдөж "DreamLeague Season 23"-ын эрхээ авлаа.

"OG" багийн Украин carry "Yuragi" болон "Team Secret" багийн Киргиз support "Zayac" нараас бүрдэх Natus Vincere урьдчилсан шатны финалд "Virtus.pro" багийг 3-2 харьцаагаар хожсон юм. Мөн тэд дэлхийн аварга "Team Spirit"-ыг 2-0 харьцаагаар хожсон билээ.

• The MongolZ хоёр удаа нэмэлт цаг сунгасан ч эцсийн мөчид тэмцээнээс хасагдлаа
• ГУРАВДУГААР САРЫН СПОРТ: CS2-ын дэлхийн аварга болно
• 22 дахь удаагийн "DreamLeague"-т оролцох багуудыг танилцуулъя

1 сая ам.долларын шагналын сантай "DreamLeague Season 23" тэмцээнд дэлхийн чансааг тэргүүлэгч Оросын "BetBoom Team", Хятадын "Xtreme Gaming", Хойд Америкийн "Gaimin Gladiators", "Team Falcons" багууд уригдсан бол үлдсэн найман багийг долоон бүсээс сонгон шалгаруулж байгаа юм.

Одоогоор Зүүн Өмнөд Азийн бүсээс "Aurora" баг эрхээ аваад байна. Харин Баруун Европын бүсэд монгол тоглогч "NARMAN" буюу Равданы Нармандахын тоглодог "MOUZ" баг өрсөлдөж байна.