Монгол Улсад дотоодын цэрэг үүсэн байгуулагдсаны түүхт 90 жилийн ойн баярын хүрээнд олон арга хэмжээ зохион байгуулагдаж байна. Үүнийг нэг нь Дотоодын цэргийн бие бүрэлдэхүүн өнөөдөр Их жанжин Д.Сүхбаатрын хөшөөнд цэцэг өргөж, Их эзэн Чингис хааны хөшөөнд хүндэтгэл үзүүлсэн явдал юм. Уг арга хэмжээнд Дотоодын цэргийн алба хаагчид болон үе үеийн ахмад зүтгэлтнүүд оролцлоо.

Мөн Соёлын төв өргөөнд "Дотоодын цэргийн 90" гэрэл зургийн үзэсгэлэнг дэлгэн үзүүллээ. Уг үзэсгэлэнд Дотоодын цэргийн үе үеийн түүхэн замналыг харуулсан гэрэл зургуудыг дэлгэж үзүүлэх бөгөөд СТӨ-нд баярын хурал, тоглолтоор Доодоодын цэргийн ойн арга хэмжээ үргэлжилсэн юм. Баярын хурлыг Цагдаагийн Ерөнхий Газрын дарга, Дотоодын цэргийн хошууч, командлагч хошууч генерал Д.Сандаг-Очир нээж нийт Дотоодын цэргийн албан хаагчдад баяр хүргсэн юм. Ийнхүү Дотоодын цэрэг үүсч хөгжсөний түүхт баяраа ёслол төгөлдөр тэмдэглэж байна. 



Дотоодын цэрэг нь анх 1922 онд "Тасаг"  хэмээх нэртэйгээр анх байгуулагдаж байсан бөгөөд түүхэн үеүдэд ихээхэн үүрэг гүйцэтгэж байжээ. Тухайлбал 1930-аад онд тухайн үеийн нийгэмд гарсан түгшүүрт байдлыг намжаах, 1950-иад онд үйлдвэрлэлийн ажилд гар бие оролцож үйлдвэрлэл хөгжих үйл явцад ихээхэн үүрэг гүйцэтгэж ирсэн байна. Мөн 1990 онд хойш нийгэм, олон нийтийн шинжтэй үйл ажиллагаанд идэвхитэй оролцож  хэв журмыг сахиулах, гэмт хэргийг таслан зогсоох гээд цагдаа хүчний байгууллагуудтай хамтран ажилласаар иржээ.







Улмаар 1995 онд Дотоодын цэргийн тухай хуулийг баталснаар Дотоодын цэргийн зорилго, зорилт цаашдын чиг хандлага, үүрэг, алба хаагчдын эрхзүйн баталгааг тусгаж өгсөн юм байна. Дотоодын цэргийн гүйцэтгэсэн үүргийг үнэлж 1973 онд Цэргийн гавьяаны Улаан тугийн одонгоор шагнаж байжээ.





Д.Нэргүй, гэрэл зургийг Б.Бямба-Очир