"Парис 2024" зуны олимпын жүдо бөхийн төрөл өнөөдөр эхэллээ. Жүдо бөхийн эрэгтэй эмэгтэй хамгийн баг жингийн барилдаанууд өнөөдөр эхэлсэн бөгөөд Монголын шигшээ багийн хоёр тамирчин зодоглов.

Эмэгтэй -48 кг жинд Бавуудоржийн Баасанхүү эхний шатанд Мальтын тамирчин Катрина Эспоситотой таарч хоёр вазари үнэлгээгээр яллаа.

Ийнхүү тэрээр шигшээ 16 шатанд Австрийн Танзе Катаринатай барилдах болов.

Б.Баасанхүү энэ оны тавдугаар сард болсон ДАШТ-д түрүүлсэн билээ.

Бавуудоржийн Баасанхүү шигшээ 16-д 2021 оны Бакугийн их дуаалгын мөнгөн медальт Австрийн 29 настай Катарина танзертай барилдав. Барилдаан эхлээд удаагүй Б.Баасанхүү үүрч цэвэр ялснаар шөвгийн наймд шалгарлаа.

Б.Баасанхүү шөвгийн наймд тив, дэлхийгээс медаль хүртэж үзээгүй Парагвайн Габриела Нарваезтай барилдахаар боллоо. Габриела Нарваез шигшээ 16-д Португалын алдарт Катарина Коштаг цэвэр ялсан.

Б.Баасанхүү Парагвайн тамирчныг гарт өчиж цэвэр ялснаар шөвгийн дөрөвт шалгарлаа. Барилдаан эхлээд удаагүй Б.Баасанхүү даралт авсан ч буруу барьц авсан хэмээн торгуулж даралтыг зогсоосон. Улмаар нэг торгуулиар ялагдаж явахдаа босоогоос хэвтээ байрлалд шилжих үед гарыг нь өчин цэвэр ялав.

Б.Баасанхүү хагас шигшээд дэлхийн аваргын мөнгө, хүрэл медальт Испанийн 25 настай Лаура Мартинез Абелендатай барилдахаар боллоо. Хагас шигшээ, финал болон дагах барилдаанууд 22:00 цагаас эхэлнэ.

Б.Баасанхүү хагас шигшээд дэлхийн аваргын мөнгө, хүрэл медальт Испанийн 25 настай Лаура Мартинез Абелендатай барилдлаа. Хоёр бөх үндсэн цагт 2 торгуультай тэнцэж, нэмэлт цагт Б.Баасанхүү унаж шидэн оноо авч ялснаар финалд алтан медалийн төлөө барилдахаар шалгарлаа.

Б.Баасанхүү финалд дэлхийн гурван удаагийн аварга, нэг мөнгөн медальтай, Азийн хоёр удаагийн аварга Японы 31 настай Нацүми Цүнодатай барилдахаар боллоо. Н.Цүнода хагас шигшээд Шведийн залуу тамирчныг ялсан.

Б.Баасанхүү финалд дэлхийн гурван удаагийн аварга, нэг мөнгөн медальтай, Азийн хоёр удаагийн аварга Японы 31 настай Нацүми Цүнодатай барилдлаа. Цүнода идэвхээр илүүрхэж эхэлснээс гадна жийж вазари үнэлгээ авснаар яллаа.

Ийнхүү Б.Баасанхүү мөнгөн медаль хүртсэнээр Парисын олимпоос Монголын шигшээ багийн анхны медалийг авчирлаа.