Энэ сарын 18-22-ны өдрийн урьдчилсан байдлаар 18-нд баруун зүгийн нутгийн хойд хэсгээр, 19, 21-нд төв болон зүүн зүгийн нутгийн хойд хэсгээр, 20-нд нутгийн баруун хэсгээр цас орно. Салхи баруунаас баруун хойш эргэж 18-нд Алтайн салбар уулс, Арц Богдын өвөр хоолойгоор, 20-22-нд говь талын нутгаар секундэд 16-18 метр хүртэл ширүүсч цасан болон шороон шуурга шуурна.

18-нд нутгийн зүүн хэсгээр хүйтэн байх боловч цаашдаа ихэнх нутгаар дулаарч Увс нуур болон Дархадын хотгор, Идэр, Тэс голын хөндийгөөр шөнөдөө 21-26 градус, өдөртөө 10-15 градус, Хангай, Хөвсгөлийн уулархаг нутаг, Хараа, Ерөө, Туул, Хэрлэн, Халх голын сав газраар шөнөдөө 15-20 градус, өдөртөө 5-10 градус, говийн бүс нутгаар шөнөдөө 6-11 градус хүйтэн, өдөртөө 4-9 градус дулаан, бусад нутгаар шөнөдөө 10-15 градус хүйтэн, өдөртөө 0-5 градус хүйтэн байна.

21-нээс нутгийн хойд хэсгээр хүйтрэх төлөвтэй байна.