АН-ын Тэргүүн дэд дарга С.Баярцогт сонсголд оролцож байна. Тэрээр "Бидний Хөрөнгө оруулалтын гэрээний талаарх ойлголт их хол зөрүүтэй байгааг бид энэ хүмүүсийн хариултаас олж харлаа. "Онтрэ" Хөрөнгө оруулалтын гэрээний нэг тал биш.

Ашиг хуваах зорилготой л хамтарсан компани байгуулсан. Түүнээс Хөрөнгө оруулалтын гэрээний нэг хэсэг болох, эсэх тухай асуудал байхгүй.

О.Батнайрамдал: Бид мэднэ ээ, ямар тэнэг хүмүүс байгаа биш дээ. Энэ асуудлаар дараа нь тусдаа сонсгол явуулна. Та тэр үед хариулаарай.

УИХ-ын гишүүн С.Зулпхар: 2009 онд Хөрөнгө оруулалтын гэрээг байгуулахад ТЭЗҮ батлаагүй байжээ. Жавхлант, Шивээ толгойн орд ОТ-нх биш байтал яагаад ОТ яагаад тайландаа эдгээрийг хамруулсан бэ?

"Онтрэ ресурс" компанийн захирал: "Зата" гэж хуулийн фирмтэй бид Монголд үйл ажиллагаа явуулахаас өмнө хамтран ажилладаг байв. тэд манай зарим зохицуулалтын болон төлбөр тооцооны ажлуудыг хийдэг. Явцын дунд бидний ажил Монголд жигдэрч, хөлөө олсон тул төлбөр тооцоог өөрсдөө хийдэг болсон. Одоо тус компани бий эсэхийг мэдэхгүй.

О.Батнайрамдал: Энэ компани одоо ямар статустай байгааг шинжээч олж мэдэж чадаагүй.
С.Баяярцогт: Гэрээг байгуулснаас6 сарын дараа гэрээ хүчин төгөлдөр болсон. тэр хүртэл бид гэрээний нөхцөлүүдээ тохирсон. ТЭЗҮ-гүйгээр ажил эхэлсэн гэдэг нь маш буруу мэдээлэл.

Д.Зоригт: ТЭЗҮ хүлээн авсны дараа гэрээ хүчин төгөлдөр болсон юм гэв.

Оюу толгойн асуудлаарх нотлох баримтыг шинжлэн судлах эхний өдрийн сонсголд нийт 116 гэрчийг дууджээ.