НМХГ-ын даргын баталсан 02-01/90 дугаартай “Малын эмийн сан, эм ханган нийлүүлэх байгууллагад төлөвлөгөөт шалгалт хийх тухай” удирдамжийн дагуу хяналт шалгалт хийлээ.

Шалгалтаар дараах зөрчил илэрсэн байна. Үүнд:

• Мал эмнэлгийн эмийн санг мэргэжлийн бус хүн удирдсан,
• Малын их эмч нь, мал эмнэлгийн эм зүйн сургалтад хамрагдаагүй,
• Итгэмжлэлийн хугацаа дууссан,
• Ажилчдыг эрүүл мэндийн үзлэг шинжилгээнд хамруулаагүй,
• Эм худалдан борлуулах өрөө, агуулахын цэвэрлэгээ угаалга хангалтгүй,
• Агуулахад температур, чийг хэмжигч байршуулж бүртгэл хөтөлж хэвшээгүй,
• Малын эмийн улсын бүртгэлд бүртгэгдээгүй, гарал үүсэл тодорхойгүй, шинжилгээ баталгаажилтгүй малын эм, бодис худалдсан зэрэг байгууллагын дотоод хяналтын үйл ажиллагаатай холбоотой зөрчил илэрчээ.

Хяналт шалгалт үргэлжилж байна гэж НМХГ-аас мэдээллээ.