2020 оны УИХ-ын Сонгуулийн санал хуралт  өнөөдөр орон даяар 07:00 цагт эхэллээ. Сонгуулийн санал авах байрууд бэлтгэлээ хангасан талаарх мэдээллийг шууд дамжуулан хүргэж байна. 

Сонгуультай холбоотой мэдээ мэдээлэл, харьяа тойргийнхоо нэр дэвшигчдийн жагсаалтыг GoGo.mn сайтын Сонгууль 2020 цэснээс хүлээн аваарай. 

Чингэлтэй дүүргийн 25-р тойргийн 3-р хэсгийн дарга Т.Нарантуяа: 

Бид бүх бэлтгэлээ хангаж зөөврийн санал хураалтынхаа хуудсыг уншуулах гэж байна. Чингэлтэй дүүргийн 25-р тойргийн 3-р хэсгийн санал авах байранд хэсгийн хорооны нийт 16 хүн ажиллаж байна. Мөн бүх нам эвсэл, бие даагчдын төлөөлөл 25 ажиглагч ажиглалт хийнэ.

Ажиглагч нар дөрвөн цагаар ээлжлэх ба нэг ээлжид 9 ажиглагч байна. Нийт 2056 сонгогч тус хэсгийн санал авах байранд санал өгөхөөр бүртгэгджээ.

Зөөврийн хайрцгаар саналаа өгсөн 9 хүний саналыг төхөөрөмжид эхэлж уншуулав.