Улсын хэмжээнд тавдугаар сарын 15-нд улаанбурханы дархлаажуулалт эхэлсэн. Улаанбурхан өвчний эсрэг нэмэлт дархлаажуулалтад өчигдрийн байдлаар 66616 хүүхэд буюу нийт хүүхдийн 17.7 хувь нь дархлаажуулалтад хамрагдаад байна гэж Эрүүл мэндийн яамнаас мэдээллээ.

Улаанбурхан өвчний сэжигтэй 5781 тохиолдол улсын хэмжээнд бүртгэгдсэнээс Улаанбаатар хотын Сонгинохайрхан, Баянзүрх, Баянгол, Чингэлтэй, Сүхбаатар, Хан-Уул, Багануур, Налайх дүүрэг, Өвөрхангай, Өмнөговь, Дархан-Уул, Дорноговь, Хөвсгөл, Булган, Сэлэнгэ, Баянхонгор, Завхан, Дундговь, Говь-Алтай, Баянхонгор, Хэнтий, Баян-Өлгий аймагт 491 хүн лабораторийн шинжилгээгээр, 752 хүн эпидемиологийн холбогдол, эмнэлзүйн шинж тэмдгээр тус тус батлагджээ.