Боловсрол, соёл, шинжлэх ухаан, спортын сайд Ц.Цогзолмаа Япон улсаас Монгол Улсад суугаа Онц бөгөөд Бүрэн эрхт Элчин сайд асан Такэнори Шимизү тэргүүтэй тус улсын зочид, төлөөлөгчдийг өнөөдөр хүлээн авч уулзлаа.
Уулзалтын эхэнд салбарын сайд Ц.Цогзолмаа хэлэхдээ, “Элчин сайд асан Такэнори Шимизү болон Олон улсын эрүүл мэнд, нийгмийн хамгааллын их сургуулийн төлөөллүүдтэй биечлэн уулзаж, Монгол, Японы боловсролын салбарын хамтын ажиллагааны асуудлаар санал солилцох завшаан тохиож байгаад баяртай байна.
Олон улсын эрүүл мэнд, нийгмийн хамгааллын их сургууль нь Монголын АШУҮИС-тай 2015 онд харилцан ойлголцлын санамж бичиг байгуулсан байдаг. Тус санамж бичгийн хүрээнд сүүлийн гурван жил дараалан жил бүр манай хоёр оюутныг тэтгэлгээр сургаж байгаад талархаж байна” гэв.
Япон хэлтэй анагаахын чиглэлийн оюутнуудыг 100 хувийн тэтгэлгээр Япон улсад суралцуулах ажлыг БСШУСЯ бүрэн хариуцна
Харин Олон улсын эрүүл мэнд, нийгмийн хамгааллын их сургуулийн Ерөнхийлөгч, “Санно” эмнэлгийн захирал Күнинори Такаги нь их сургуулийнхаа талаар салбарын сайдад товчхон танилцуулаад, Монгол Улсад хэрэгжүүлж буй болон шинээр хэрэгжүүлэхээр төлөвлөсөн төслийнхөө талаар мэдээлэв. Тухайлбал, Монголд сувилагчийн сургууль болон оношилгооны төв нээхээр судалж байгаагаа онцлон хэлсэн юм.
Уулзалтын үеэр бас нэг санал тавьсан нь анагаахын чиглэлээр суралцаж буй монгол оюутнуудыг Японд 100 хувийн тэтгэлгээр сургах тухай байлаа. “Азийн Элчин сайдуудын эхнэрүүдийн холбоо”-оос Олон улсын эрүүл мэнд, нийгмийн хамгааллын их сургуулийн их эмчээс бусад мэргэжлээр суралцаж буй гаднын оюутнуудад 100 хувийн тэтгэлэг олгох хөтөлбөр хэрэгжүүлдэг юм байна. Харин япон хэлтэй монгол оюутан цөөн байдаг учир тус тэтгэлэгт хамрагдаж чаддаггүй аж. Тиймээс япон хэлтэй оюутнуудыг их эмчээс бусад анагаахын чиглэлийн мэргэжлээр сургах ажлыг салбар яам удирдан зохион байгуулах боломжтой эсэх талаар санал тавилаа. Тус сургууль нь 10 мэргэжлээр суралцуулдаг бөгөөд 10 оюутныг таван жилийн хугацаатай гэж тооцвол нийт 50 оюутныг сургах боломжтой гэж хэлэв.
Японы төлөөлөгчдийн санал, хүсэлтийг сонссон салбарын сайд Ц.Цогзолмаа “Япон хэлтэй анагаахын чиглэлийн оюутнуудыг 100 хувийн тэтгэлгээр Япон улсад суралцуулах ажлыг манай яам албан ёсоор зохион байгуулъя. Тун таатай, манай улсын эрүүл мэнд, боловсролын салбарт ээлтэй санал байна” хэмээн хүлээн авсан гэж БСШУСЯамнаас мэдээллээ.
Боловсрол, соёл, шинжлэх ухаан, спортын сайд Ц.Цогзолмаа Япон улсаас Монгол Улсад суугаа Онц бөгөөд Бүрэн эрхт Элчин сайд асан Такэнори Шимизү тэргүүтэй тус улсын зочид, төлөөлөгчдийг өнөөдөр хүлээн авч уулзлаа.
Уулзалтын эхэнд салбарын сайд Ц.Цогзолмаа хэлэхдээ, “Элчин сайд асан Такэнори Шимизү болон Олон улсын эрүүл мэнд, нийгмийн хамгааллын их сургуулийн төлөөллүүдтэй биечлэн уулзаж, Монгол, Японы боловсролын салбарын хамтын ажиллагааны асуудлаар санал солилцох завшаан тохиож байгаад баяртай байна.
Олон улсын эрүүл мэнд, нийгмийн хамгааллын их сургууль нь Монголын АШУҮИС-тай 2015 онд харилцан ойлголцлын санамж бичиг байгуулсан байдаг. Тус санамж бичгийн хүрээнд сүүлийн гурван жил дараалан жил бүр манай хоёр оюутныг тэтгэлгээр сургаж байгаад талархаж байна” гэв.
Япон хэлтэй анагаахын чиглэлийн оюутнуудыг 100 хувийн тэтгэлгээр Япон улсад суралцуулах ажлыг БСШУСЯ бүрэн хариуцна
Харин Олон улсын эрүүл мэнд, нийгмийн хамгааллын их сургуулийн Ерөнхийлөгч, “Санно” эмнэлгийн захирал Күнинори Такаги нь их сургуулийнхаа талаар салбарын сайдад товчхон танилцуулаад, Монгол Улсад хэрэгжүүлж буй болон шинээр хэрэгжүүлэхээр төлөвлөсөн төслийнхөө талаар мэдээлэв. Тухайлбал, Монголд сувилагчийн сургууль болон оношилгооны төв нээхээр судалж байгаагаа онцлон хэлсэн юм.
Уулзалтын үеэр бас нэг санал тавьсан нь анагаахын чиглэлээр суралцаж буй монгол оюутнуудыг Японд 100 хувийн тэтгэлгээр сургах тухай байлаа. “Азийн Элчин сайдуудын эхнэрүүдийн холбоо”-оос Олон улсын эрүүл мэнд, нийгмийн хамгааллын их сургуулийн их эмчээс бусад мэргэжлээр суралцаж буй гаднын оюутнуудад 100 хувийн тэтгэлэг олгох хөтөлбөр хэрэгжүүлдэг юм байна. Харин япон хэлтэй монгол оюутан цөөн байдаг учир тус тэтгэлэгт хамрагдаж чаддаггүй аж. Тиймээс япон хэлтэй оюутнуудыг их эмчээс бусад анагаахын чиглэлийн мэргэжлээр сургах ажлыг салбар яам удирдан зохион байгуулах боломжтой эсэх талаар санал тавилаа. Тус сургууль нь 10 мэргэжлээр суралцуулдаг бөгөөд 10 оюутныг таван жилийн хугацаатай гэж тооцвол нийт 50 оюутныг сургах боломжтой гэж хэлэв.
Японы төлөөлөгчдийн санал, хүсэлтийг сонссон салбарын сайд Ц.Цогзолмаа “Япон хэлтэй анагаахын чиглэлийн оюутнуудыг 100 хувийн тэтгэлгээр Япон улсад суралцуулах ажлыг манай яам албан ёсоор зохион байгуулъя. Тун таатай, манай улсын эрүүл мэнд, боловсролын салбарт ээлтэй санал байна” хэмээн хүлээн авсан гэж БСШУСЯамнаас мэдээллээ.