УИХ-ын гишүүн Д.Гантулгын бүрэн эрхээ түдгэлзүүлэх хүсэлтийг УИХ дахь МАН-ын бүлгийн хуралдаанд танилцуулжээ.

УИХ дахь МАН-ын бүлэг хуралдаанаар уг асуудлыг хэлэлцэж, санал хураан шийдвэрлэх шаардлагагүй бөгөөд хүсэлт гаргах болсон үндэслэлийг танилцуулах нь зүйтэй гэж үзжээ.

УИХ-ын гишүүний халдашгүй байдлыг хуулиар хамгаалах бөгөөд УИХ-ын гишүүн гэмт хэрэгт холбогдсон тухай асуудлыг УИХ-ын чуулганаар хэлэлцэж, бүрэн эрхийг нь түтгэлзүүлэх эсэхийг шийдвэрлэнэ. Гишүүн гэмт хэрэг үйлдсэн гэж шүүх тогтоовол УИХ түүнийг гишүүнээс нь эгүүлэн татахаар хуульд заажээ.

Гишүүнийг хууль зөрчсөний улмаас эгүүлэн татсан бол түүнд гишүүний тэтгэмж, хангамж олгохыг хориглодог юм байна.