Улаанбаатар хот, 2024 оны 5 сарын 31 – ны өдөр “Мета Моторс” компани нь Kaiyi брэндийн шинэ салбараа Яармагийн Horse Motors төв дээр албан ёсоор нээлээ. Энэхүү арга хэмжээнд Kaiyi хэрэглэгчид, Монголын Автомашин Дилерүүдийн Холбоо (МАДА)-ны гишүүд, харилцагч түнш байгууллагууд болон олны танил эрхмүүд оролцсон юм.

Kaiyi бол Хятадын томоохон автомашин үйлдвэрлэгч Chery группийн эзэмшдэг брэндийн нэг бөгөөд дэлхийн 30 гаруй улсад худалдаалагддаг, Европын холбооны чанар стандартыг хангасан глобал брэнд юм. Kaiyi брэндийн онцлог нь инноваци технологи шингэсэн, өнгөлөг загварлаг, үнийн хувьд боломжийн дунд оврын SUV загваруудтай.

Нээлтийн үйл ажиллагааны онцлох үйл явдал нь 2024 оны цоо шинэ 100% цахилгаан Kaiyi E-Qute 02 загварыг танилцуулсан явдал байв.

Энэ нь Монголын зах зээл дээр цахилгаан автомашины сонголтыг улам бүр өргөжүүлж байгаа хэрэг юм.

“Мета Моторс” компани нь Монголын хамгийн анхны хуучин автомашины дилер “Автоланд Эс Си” компанийн охин компани бөгөөд 21 аймагт 250 гаруй хэрэглэгчтэй, албан ёсны засвар үйлчилгээний төвтэй, Монголын зам, цаг агаарын нөхцөлд туршигдсан брэнд юм.

Тус компани нь мэргэжлийн засвар үйлчилгээний баг бүхий баталгаат засвар үйлчилгээг үзүүлэхийн зэрэгцээ TRADE-IN буюу хуучин автомашиныг урьдчилгаанд тооцуулах үйлчилгээг санал болгодгоороо онцлог аж.

Шинэ автомашин худалдан авахаар сонирхож буй хэрэглэгчид та бүхнийг Kaiyi брэндийн үзүүлэнгийн танхимаар зочлохыг урьж байна.