УИХ-ын гишүүн, ЗГХЭГ-ын дарга Н.Учрал сэтгүүлчдийн асуултад хариуллаа.

Тэрбээр, Цаашид цахим мөрийтэй тоглоом тоглох, зохион байгуулах, дэмжлэг үзүүлэх, зуучлах, бүх төрлийн хэлбэрээр сурталчлах, тоглохыг уриалах, ивээн тэтгэх зэрэг үйл ажиллагааг бүхэлд нь хориглож байна. 

Энэ хууль батлагдсантай холбоотойгор Монгол Улс технологийн хувьд бэлэн байдлаа хангах хэрэгтэй байна. Өнөөдрийн байдлаар хууль хяналт болон банк санхүүгийн байгууллагууд мөрийтэй тоглоомд хязгаарлалт хийх бололцоо бүрдлээ. Ингэснээр иргэдийн мөрийтэй тоглоом тоглох үзүүлэлт 60 хувиар буурна. 

Технологийн хувьд бүрэн байдал хангуулбал VPN ашиглаж, хууль бус аргаар тоглох оролдлого хийсэн бол түүнийг илрүүлэх, илрүүлсэн бол Зөрчлийн тухай хуулиар хуулийн хариуцлага тооцуулна.

Энэ удаагийн хуулиар бүгдийг нь хориглож байна. Цаашид морин тойруулга, сугалаа, төлбөрт таавар эсвэл спорт дээр зөвшөөрөл олгоно гэвэл бие даасан хуультай болгоно" гэв. 

-Засгийн газар дээр ямар байр суурьтай байна. Ерөнхий сайд Монголд байгаа юу?
-Лхагва гарагт Засгийн газар хуралдах байх гэж бодож байна. Ерөнхий сайд Монголд байлгүй яахав, ажлаа хийж байна. Сайд нар чуулганд оролцоод жилийн төлөвлөгөөгөө хэлэлцэж байна. Төрийн ажил тогтвортой л явах ёстой.