Өчигдөр буюу энэ сарын 1-нд Өмнөговь аймаг Ханбогд суманд нөөлөг салхи бий болжээ.

Цаг уур орчны шинжилгээний газраас хийсэн тайлбарт “Энэ үзэгдэл нь дэвсгэр гадаргын халалтаас үүссэн борооны бөөн үүлний өмнөх хүчтэй уруудах урсгалтай холбоотой. Газрын гадаргын байдлаас шалтгаалж шороон хана босдог. Шороон хананы дээд тал цагаан өнгөтэй байгаа нь тэр түвшинд агаарын температур 0° градус байна гэсэн үг. Агаарт байсан усны уур өтгөрөлтийн 0° градусын түвшинд хүрээд үүл болж харагдаж байна. Мөн агаар дахь шороо, тоосонцор нь үүлэн дэх усан дусал томроход чухал үүрэг гүйцэтгэдэг” гэжээ.

Дундговь аймгийн төв Мандалговь суманд 2020 оны зургаадугаар сарын 20-нд нөөлөг салхи дэгдсэн юм.