Монголын Бодибилдинг, фитнессийн холбооноос “Монголын мистер, мисс-2015” улсын аварга шалгаруулах 24 дэх удаагийн тэмцээн энэ сарын 5-ний өдөр Монгол бөхийн өргөөнд амжилттай зохион байгуулагдлаа.

Тэмцээнд нийт 31 клубын 105 тамирчин 13 жингийн ангилалд өрсөлдөж, аваргуудаа тодрууллаа.

Залуучууд буюу 21 наснаас доош ангилалд "Чийрэг Монгол" фитнесс клубын тамирчин Н.Чинзориг, Эрэгтэй бодибилдингийн 60 кг-ийн жинд Ч.Мянганбилэг (Perfect  body), 65 кг-ийн жинд Ч.Батбаяр (Тайхар), 70 кг-ийн жинд Л.Саруулбат, 75 кг-ийн жинд Н.Сумъяа (Чийрэг Монгол), 80 кг-ийн жинд Б.Пүрэвдорж (Даймонд), +80 кг-ийн жинд Т.Батнасан (Hawaii) нар тус тус нэгдүгээр байрт шалгарлаа.

Түүнчлэн эрэгтэй фитнессийн ангилалд Э.Жавхлан (Голдэн жим), эмэгтэй фитнессийн ангилалд Б.Бадамсүрэн (Дархан) нар тэргүүн байрын эзэн боллоо.

Түүнчлэн эрэгтэй фитнессийн ангилалд Э.Жавхлан (Голдэн жим), эмэгтэй фитнессийн ангилалд Б.Бадамсүрэн (Дархан), эмэгтэй модель -165см Н.Онондарь (Голден жим), эмэгтэй модель +165см Н.Анужин (Чийрэг монгол), эрэгтэй спорт модель -175см О.Мөнгөнсүх (Чийрэг монгол), эрэгтэй спорт модель +175см Б.Лхагвадорж (Perfect) нар тус тус эхний байрт орлоо.

Харин Үнэмлэхүй аварга буюу МОНГОЛЫН МИСТЕР-ээр “Даймонд” фитнесс клубын тамирчин Б.Пүрэвдорж шалгарлаа.

Гэрэл зургийг Б.Бямба-Очир