“Нийтийн үйлчилгээний Улаанбаатар нэгтгэл” ОНӨААТҮГ өнгөрсөн долоо хоногт нийт 956 золбин нохой булж устгасан  байна.

Улаанбаатар хотын Шуурхай удирдлага, зохицуулалтын төвд зургаадугаар сарын  27-оос долоодугаар сарын 4-ний өдрүүдэд нийт 92 санал, гомдол ирсэн бөгөөд шуурхай шийдвэрлэж ажиллажээ.

Нийслэлийн Тээврийн газраас том оврын 5216 автобус, туслах шугамын автобус 415 тус тус гарч ажиллажээ.

Энэ хугацаанд төвлөрсөн хогийн цэгүүдэд нийт 2075 машинаар 20681.9 тонн хог хаягдал тээвэрлэж, устгав.  Ногоон байгууламжийн хүрээнд Нийслэл хүрээ өргөн чөлөөнд 40 ширхэг голтбор мод, Чингисийн өргөн чөлөөнд 2800 ширхэг, Соёлын төв өргөөнд 4000 ширхэг цэцэг тарьсан байна.

Тасганы овооны голын зурвас, Чингисийн өргөн чөлөө, Их монголын гудамж, Нисэхийн тойргын төгөл,  Үйлдвэрчний Эвлэлийн гудамж, 7-н буудал, Хонхтой цэцэрлэг, нарны замын нийт 24300 ам метр талбайг зүлэгжүүллээ гэж Улаанбаатар хотын Шуурхай удирдлага, зохицуулалтын төвөөс мэдээллээ.