Энэ сарын 25-ны өглөө Оросын жуулчдын сууж авсан автобус Туркийн Антальяны сувиллын дэргэд замаасаа гарч 15 метрийн өндрөөс Аксу гол  руу унаж осолджээ. Ослын улмаас 17 хүн нас барснаас 15 нь Оросууд байсан бөгөөд 24 хүн шархадсан байна. Автобус Аланьигаас Памуккала руу явж байжээ.  

Өмнө нь автобусны жолооч нойрмоглосноос болж осол гарсан байж болзошгүй гэж үзэж байсан ч дараа нь шинжээчид хэргийн шалтгаан тодорхойгүй байна хэмээн мэдэгдээд байна.

ОХУ-ын Онц байдлын яамнаас эмч болон сэтгэл зүйчдийг Турк руу илгээжээ. Мөн ОХУ-ын Ерөнхийлөгч Д.Медведев ерөнхий прокурор Юрий Чайкад ослын нөхцөл байдлыг мөрдөн шалгах ажиллагаанд хамтран оролцохыг даалгасан байна.

Б.Нар