Гэр бүл гэх холбоо үгийг сонсох бүртээ бид аяндаа л бие биенээ нөхцөлгүйгээр хайрладаг хүмүүс, жаргалтай гэр орон, элэг бүтэн, энх тунх, аятай тохьтой халуун дулаан орчныг төсөөлсөн байдаг. Гэвч заримдаа бодит байдал төсөөллөөс ондоо байх тохиолдол бий. Гэхдээ амьдралаа халуун бүлээрээ хамтдаа бүтээж, зөв гэр бүл цогцлуулах гэсэн тэмүүлэл байхад нэгэн дээвэр дор цогцлох аз жаргал тэр хэрээр нэмэгдэж байдаг нь гарцаагүй.

Тиймээс “Юнител” групп хоёр дахь жилдээ худалдаанд гаргаж буй 66000 нэгжтэй, 6000 төгрөгийн картаа энэ удаа “Зөв гэр бүл” хөтөлбөр болгон эхлүүлэхээр шийдсэн юм. Гэр бүлээрээ хэрэглэж болох энэхүү картаараа бид Монголынхоо нийт гэр бүлүүдэд соёлтой, зөв байхыг уриалсан эерэг уур амьсгалыг түгээхийг зорьж байна. Энэхүү карт бүрийг магнет дагалдах бөгөөд өвөө, эмээ, аав, ээж, ах, эгч, хоёр дүү гэсэн нийт 8 дүртэй. Найман дүр бүхий магнетуудаа нэгтгэн бид “Зөв гэр бүл” хэмээж буй бөгөөд байгаль дэлхий, нийслэл хотоо хайрлан хамгаалдаг, хүн хүнээ хүндлэн харьцдаг, буруу муу үйл хийдэггүй зөв бодол, сэтгэлтэй байхыг бусдад уриалдаг үлгэр жишээ гэр бүл байхыг нийгэмдээ уриалах юм.

Гэр бүл хэр том байшинд амьдрах нь чухал биш, харин нэгэн дээвэр дор багтсан аз жаргал хэдий их вэ гэдэг аз жаргалтай амьдралын гол шалгуур юм. Аз жаргалтай, бие биесээ хүндэтгэдэг, нийгэмдээ эерэг хандлагатай Зөв гэр бүлүүд олон болох тусам Монгол Улс маань хамгийн жаргалтай “улс гэр” болох буюу. Та, танай гэр бүл ч мөн адил бидний уриалгыг дэмжин, бусдад түгээж, “ЗӨВ ГЭР БҮЛ” болоорой гэж хүсэж байна.

Юнител групп доорх “Зөв дадал зуршлуудыг хэвшүүлэхийг нийгэмдээ уриалж байна”.

• Ахмад настан, хөгжлийн бэрхшээлтэй иргэд, жирэмсэн эхчүүд, нялх балчир хүүхдүүдэд анхаарал халамж тавьж байгаарай
• Байгальд ээлтэй, хоггүй, гал түймэргүй аялцгаая
• Дараалалд зогсож нэг нэгнээ хүндэлцгээе
• Олон нийтийн газар зохистой биеэ авч явцгаая \Гудамжинд, автобусанд, дэлгүүрт, банкинд, АТМ-д, лифтэнд, ариун цэврийн өрөөнд...\

Картын тухай дэлгэрэнгүй мэдээлэл авахыг хүсвэл www.unitel.mn-д хандана уу?

Эерэг хандлага, зөв дадалд уриалагч Юнител Групп