Монголын “Florever” мэргэжлийн студи, Японы “AUCNET” компаниас хамтран Монголд анх удаагаа жинхэнэ япон икэбана буюу цэцэг амилуулах урлагийг сонирхуулахаар болжээ.

Японы амьд цэцгийн урлагийн гайхамшигийг толилуулахаар урилгаар икэбанагийн алдарт багш Фүжи Казүко оролцон цэцгийг хэрхэн амилуулахыг үндэсний хөгжмийн аян дор үзүүлэх юм байна.

Тоглолтын үеэр икэбана болон 50 гаруй төрлийн япон цэцгийн үзэсгэлэн худалдаа явагдаж Японы тасалгааны болон таримал цэцэгтэй танилцах боломжтой. Мэргэжлийн цэцэрлэгчид цэцэг бүрийг тайлбарлан танилцуулж, Монголын нөхцөлд хэрхэн арчлахыг заах юм байна.

Тус арга хэмжээ өнөөдөр 13.00 цагаас “Platinium shopping Center”-т (хуучнаар Солонго ресторан) болох тул та бүхнийг урьж байна.